Konseho Insular ta felisitá pueblo di Sint Maarten

Awe, 11 di novèmber, e banda franses i e banda hulandes ta bin huntu pa selebrá Dia di Sint Maarten. Ta un dia pa selebrá e unidat di e pueblo di Sint Maarten i e historia i kultura ku ta uni e dos bandanan di e isla.

E aña aki, e selebrashon ta tuma lugá na banda franses. Komo parti di e programa, representantenan di tur dos banda ta pone un krans na e monumento na frontera.

Konseho Insular di Boneiru ta felisitá e pueblo di Sint Maarten. Un pabien spesial pa e komunidat di Sint Maarten na Boneiru. Nos ta selebrá e dia aki huntu ku boso!

Happy Sint Maarten Day!