Vishon di struktura Bonaire 2025
Djaluna 23 di yüni 2025, miembronan di Konseho Insular (KI) tabata tin e privilegio di por a partisipá aktivo na un seshon di trabou ku e konsehero nan di e proyekto di vishon di struktura kual ta BVR-Groep a organisá.
Boneiru tin hopi reto su dilanti. Den e último 10 aña habitantenan di Boneiru a bira kasi dòbel. Na sierto área tin demasiado hende, sin ku a adaptá ni ampliá e infrastruktura eksistente. E ROB vigente ta data di 2010. Pa esei ta hopi importante pa por tin un vishon kla di futuro di Boneiru promé ku aktualisá e plan aki: kon nos ke pa Boneiru sigui desaroyá?
Den e seshon di trabou aki a elaborá, interkambiá i diskutí riba diferente punto di atenshon i a fiha vários balornan ku ta importante pa Boneiru i ku nos lo no ke mira bai pèrdí sino mas bien mester sòru pa mantené esaki nan visibel den e vishon 2050.
Tópikonan ku a ser trata ta entre otro:
balornan ku mester protehá
kua zona ekológiko i sistema di desagwe mester di protekshon i atenshon?
unda por konstruí i desaroyá responsabel i unda nò?
kiko kambio di klima ta nifiká pa uso di nos espasio?
Kon nos por sòru pa kada bario tin tur servisio nesesario?
Kon nos por prevení mas filanan den tráfiko?
unda por traha kayanan alternativo?
kon e bario inklusivo di futuro lo ta?
nos ke barionan ku solamente kasnan sosial?
kon nos ta desentralisá sierto servisionan na un forma efisiente?
kon nos por repartí e aktividatnan ekonómiko mihó na Boneiru?
kua storia e turista ta bai konta na kas? Kiko nos mes ta deseá pa nan konta?
Vishon Bonaire 2050 ta e kuadro arkitektóniko importante pa por planifiká e espasio di i na Boneiru.
Konseho Insular a risibí hopi informashon i a ekspresá e deseonan di K.I. pa ku e vishon 2050.
Despues ku e konseheronan inventarisá i analisá tur aspekto i detaye pa e plan vishon di struktura 2050, lo bolbe reuní ku K.I. pa hasi un presentashon di e plan vishon 2050 den konsepto.